|
| 無聲的喧嘩 有一段好長的時間無打開過自己的xanga睇過啦! 有多長時間無打過日記,長到連我自己都唔記得了.... 生活一如以往,每日營營役役...唔知為的係甚麼,或者為的就係等出糧...... 唉,生活好悶!原來我的電話可以幾日都唔響... 有時有事,都唔知可以搵誰人傾訴;搵得到時都係聽番人講野...唉,算啦 前幾日係鋪頭時,我見到外面一班聾啞人士,圍住係到指手畫腳... 佢地大家輪住,一個做完手勢又到另一位... 每當一個人在講野時大家都集中係同一個人身上,傾得好開心 當時周圍都好嘈,但佢地一點都唔受外界影響...好得意 令我諗起有時一班朋友,如果周圍嘈時,佢地講野都會變得好大聲 而其他人都你有你講,我有我講...有時都唔會理會講緊野的人 一點都唔尊重人....原來呢有時唔識講野的人都有佢地的好 至少佢地都唔會咁易俾外界影響~!哈哈 我發覺我都應該好有潛質學手語...因為自我懂事以黎我就識 hi & bye手勢ma~!哈哈 | | |
| 好久不見~! 星期三,四都放假,尋日我同Fion行完荔枝角之後 出左去CWB,見到ar u,steven,rachael,oe同van~! 好開心,因為大家都有一段時間好耐無見了~!大家的關係仍舊相熟 唯一變左的就係我!無左佢地的熱誠! 同左佢地傾左一陣,同埋聽左 ar van講的話 無左好似其他人的興奮,投入唔到...好冷靜~! 唉,都唔知自己想點播,maybe我依家未有咁樣的心情 人都係趺過先知痛..而我係~!因為個傷口未痊癒 預左去到之後都要答佢地依d問題....我唔係唔想答你地 只係我自己心中都未有答案..... 
我應該搵到自己想做ge野啦...我唔使再做咸魚la~! | | |
| Oh~!Designer~! 有一段時間沒有打日記了...在前一般的時間我每天都會打下當日的心情 現在沒有了這閒情，因為最近轉了新的工作環境,嗯...這我容後再講啦! 十月二十號,當我正係元朗閒著的時候,見到有一名中國籍男子入來... 咁我就當然即上身同人say halo~就算當地我正在發夢中... 而佢只對我笑了一笑,然後就往入邊走... 心諗點解咁熟地形?之後見佢行埋去收銀的位置搵左sophia... 那時我先知...噢..原來佢就係所謂的wimdow designer~Michael! 因為那一天佢是來幫我地執場...開始一直我都用好欣賞佢的眼光睇住佢 見佢好認真定地...見不太熟,我都只係適當地幫一幫佢! 直到佢完成至走人,見到佢的完成品...大家都語重心長講:.....仆x! 我門外的兩個display係見得人之外,其他十真係想即刻脫光佢 攪到一個公仔似屌頸死,另兩個就似母廳的媽媽桑~! 唉...點解會咁ge~!???我地幫d公仔著在場中只得一件的衣服,因為當有人問起我地成日要拆 係一件好好好煩的事~!而見得下人的守門公仔...女的居然一套的衣服都係得一件 好快就俾人睇中,買掉了....要match番,係一件好難的事,因為著左上身你又要襯到旁邊的男~! 我想,你唔多黎元朗outlet,你可以問下我地會著咩衫多...你去換依d衫都係想間鋪攪得注目點 可以去多d貨...點知事與願違~!因為同事實在頂唔住d衫,最後決定左脫掉了這衣服 點知我先發現...件媽媽桑裙爆左... 唉!你都咁大個人啦,明知size唔岩,仲著...佢真係有問題... 原來designer都不過係咁.....(那西)到死~! | | |
| 快樂月餅節 中秋話咁快又過左la,對我黎講可以話完全唔知發生左咩事 因為對我黎講,中秋那一日都係會有日與夜之分,唔會因為月亮特別圓而變成有夜無日 電視台的節目同樣都會按時播放節目,而我同樣就好似每日一樣都係會呆坐左係到睇 依六,七年的中秋媽媽都會番大陸同呀哥過,而我都係自己食自己, 我又唔會食月餅,所以更加無氣氛~! 依個就唔係人人都會知...哈哈 不過今年就唔同dd咁多多啦..就係多左幾個人同我講中秋快樂~ 同埋仲有好特別的禮物tim...好得意! http://www.bokee.net/includes/zhongqiu.jsp?stra=Amanda%7E Thank you for Frankie! 有好d人覺得要搵開心,唔係易事..會去搵好多唔同的方法 其實開心可以好簡單,隨時都可以係自己的身邊發生同搵到 別人對你的一籍話,讚美,一個小朋友的笑容,與朋友食餐飯,傾電話...都可有好多的歡樂 那都全因你心中有著點的想法...
| | |
| 做左啦~! 今日的晚上,肥野又再展示佢的看家本領同渾身解數... 就係用盡最精的粗口同我講,你幾時先肯打日記同轉下野~? 細心想想...我有點懶得打了,要打一篇日記出黎可易可難,咁就要睇各人的分別了! 日記唔一定要打咩偉論,不一定要有咩大事件你先會記下來.. 如果真的每日都有一大事,我諗我的生活一定好嚇鬼~!哈哈 其實每日係我身邊都有著不同的小人物出現,小事發生...有好多時我都有著唔同的想法 過往我會好記住依d細節,想同好多身邊的朋友分享...現在好似少左依個行動了 不過最近唔知點解比較會介懷自己係鋪頭的個人業績..唔想自己排尾,成日煩住點先可以跑出? 我幾時開始變得咁有好勝心?從來都唔知自己擁有~!依個我都要深究下..! 係唔係一個人去到左某一點某一個地方就會好自然被感染做左一d過往唔會做ge事~! 識者生存,可謂係一個不變的定律~!> < 尋日下定左決心去左電頭髮啦,出黎的效果都ok ge~哈哈 之後就同左ar肥野去食飯同影左相lu~哈哈    | | |
|
